Scary Movie/ძალიან საშიში კინო

ძალიან საშიში კინო (ინგლ. Scary Movie) — 2000 წლის ამერიკული კომედიურ-პაროდიული ჟანრის ფილმი, რომლის რეჟისორია კინენ აივორი უაიენსი. ფილმი გადაღებულია სტუდიის Wayans Bros. Entertainment მიერ. ეს არის შავი იუმორის მატარებელი ფილმი, რომელშიც გაერთიანებულია საშინელებები, მისტიკა და სხვა თემები. ფილმში პაროდირებულია 1990-იანი წლების დასასრულის პერიოდის რამდენიმე პოპულარული მხატვრული ფილმი და ტელესერიალი, თუმცა სიუჟეტი ძირითადად ეფუძნება ორ ფილმს - „კივილი“ და „მე ვიცი, რა გააკეთეთ გასულ ზაფხულს“. სხვა პაროდირებულ ფილმებსა და ტელესერიალებს შორის არის: „მეექვსე გრძნობა“, „ჩვეულებრივი ეჭვმიტანილები“, „მატრიცა“, „ალქაჯი ბლერიდან“ და „დოუსონის უბე“.